Jidher li huwa ppjanat aġġornament ewlieni tal-klassifikazzjoni DEGURBA (li tintuża għall-indikatur komuni "Parteċipanti minn żoni rurali ") abbażi tar-riżultati taċ-ċensiment tal-2020, u li l-klassifikazzjoni LAU (Unitajiet Amministrattivi Lokali) tiġi aġġornata kull sena. Għandna nużaw sempliċement il-verżjoni ta' DEGURBA li se tkun fis-seħħ fil-bidu tal-perjodu ta' programmazzjoni, u dan, matul il-perjodu kollu ta' bejn l-2021-2027, jew għandna nirrapportaw id-data dejjem skont l-aħħar klassifikazzjoni ppubblikata?
L-Istati Membri tabilħaqq jistgħu jużaw il-klassifikazzjoni DEGURBA li tkun fis-seħħ fil-bidu taċ-ċiklu għall-perjodu ta' programmazzjoni kollu. DEGURBA huwa bbażat kemm fuq il-grilja tal-popolazzjoni kif ukoll fuq il-lista tal-LAU. Mill-2018, DEGURBA qed jiġi aġġornat kull sena f'April tas-sena x bil-listi tal-LAU bid-data ta' referenza tkun il-31 ta' Diċembru tas-sena x-2. Il-grilja tal-popolazzjoni se tiġi aġġornata wara l-grilja tal-popolazzjoni taċ-Ċensiment tal-2020. Taħt is-suppożizzjoni li se tkun disponibbli kmieni fl-2024, għandha tintuża għall-kalkolu ta' DEGURBA tal-lista tal-LAU għall-2023 (bid-data ta' referenza tkun il-31 ta’ Diċembru 2022, li tiġi ppubblikata fil-verżjoni finali tagħha f’April 2024). L-iktar lista riċenti disponibbli tal-LAU tinsab fuq: https://ec.europa.eu/eurostat/web/nuts/local-administrative-units (sal-2016, kienu jeżistu żewġ livelli tal-LAU (livell ta' fuq, qabel magħruf bħala NUTS livell 4, u livell ta' isfel, qabel magħruf bħala NUTS livell 5), iżda mill-2017, inżamm livell tal-LAU wieħed biss).